जिल्ला अदालत काठमाडौंले दुर्गा प्रसाईंलाई थुनामा पठाउन आदेश दिएको छ । गत वर्षको १५ चैतमा तीनकुनेमा भएको हिंसात्मक प्रदर्शनमा प्रसाईंलाई अदालतले पुर्पक्षका लागि थुनामा पठाउन आदेश दिएको हो ।
उक्त घटनाको थुनछेक बहस सकिएसँगै बिहीबार जिल्ला अदालतका न्यायाधीश ध्रुवराज कार्कीले उक्त आदेश दिएका हुन् । उक्त घटनामा सरकारी वकिलको कार्यालयले ५० जनाविरुद्ध राज्यविरुद्धसमेतको कसुरमा जिल्ला अदालतमा अभियोजन गरेको थियो । त्यसमध्ये प्रसाईंलगायत ३९ जना प्रहरी हिरासतमा थिए ।
प्रसाईंविरुद्ध राज्य विरुद्धको कसुर, आपराधिक उपद्रव, कर्तव्य ज्यान, ज्यान मार्ने उद्योग, सङ्गठित अपराध र एकीकृत कसुरमा सजाय हुन मागदावी लिइएको थियो ।
